文／胡宇欣　醫師、新埔客人、這下戴台中市

腔調：海陸腔

一年一擺个大甲媽祖迎街開始了。根據統計，逐年都有超過一百萬儕參加這場全臺灣最鬧棚个宗教活動。毋過對清明連假過後，疫情突然間飆起來，Omicron 變種 ”一儕遰分十儕” ( R0值=10 ) 个傳染力正經毋係講笑个。另外，有人可能清明時節已經分人遰著，毋過到迎街期間正發病，這兜無定時炸彈乜當得人驚。驚个毋單淨係自家著病，最驚怕个係遰著屋下吂注預防射个人。又想愛迎街又驚著病，到底愛仰結煞正好？底下紹介分大家知。

出門前：確定自家準備好了。愛記得，定著愛注過三門預防射 ( 注忒超過兩隻禮拜過較好 )，還愛帶細黃卡去分工作人員檢查，領着”疫苗3OK”卡片正做得參加迎街。細罐酒精摎酒精手帕愛帶等，封嘴仔愛準備罅來，最好準備好自家个碗箸，還有定著愛下載 “臺灣社交距離APP”。假使這下你有作燒、嗽、流濞、喉嗹痛个症頭，還係屋下還有人吂注防射，最好莫強強愛出門，摎屋下人共下看線上直播追媽祖婆較贏。恁樣毋單淨盡有心，還過輕鬆又安心。

迎街期間：愛記得四莫四愛：莫鑽轎底、莫搶轎、莫緊行緊食、莫群聚歇睏。愛輒常洗手、逐日愛換封嘴仔、愛維持社交距離、愛掃實聯制。經過國小个時節毋好儘採落去，因為小朋友吂注防射較無保護力。過程當中假使有發燒、嗽、流濞、喉嗹痛个症頭，最好遽遽離開，無論愛轉屋下休息，做自我康健管理，還係去分醫生看都已好，毋好勉強繼續行。自家平安順序，媽祖婆正會歡喜。

轉屋過後：除忒愛遽遽摎膴身還有衫褲洗淨，在續下來个兩隻禮拜裡背，愛做好自我康健管理，盡量毋好去酒家、夜店等著病風險較高个位所，乜毋好輒輒去國小摎幼兒園。另外，愛注意“臺灣社交距離APP”逐日發送个通知，假使說收着接觸警告，加上出現發燒、嗽、流濞、喉嗹痛个症頭，就愛遽遽去醫院做篩檢。係說對自家个情形試著疑狐，乜做得去便利商店買居家快篩試劑來做篩檢。係講結果係陽性，就愛帶等該試劑去醫院做檢查了。愛記得，做毋得坐巴士、捷運等公共交通工具喔！保護自家，也保護屋下人。迎街愛細義，媽祖婆就會有保庇！

華語翻譯：

遶境要小心，媽祖就會有保庇

一年一度的大甲媽祖遶境開始了。根據統計，每年都有超過一百萬人參與這個全台灣最熱鬧的宗教活動。不過從清明連假過後，疫情突然間飆升起來，Omicron變種”一傳十” (R0值=10)得傳染力果然不是開玩笑的。另外，有人可能清明時節已經被傳染了，不過到遶境時才發病，這些不確定炸彈也很讓人恐懼。令人害怕的不只是自己生病，最怕的是傳染給家中沒打過疫苗的家人。又想遶境又怕得病，到底該怎麼辦才好？接下來介紹給大家知曉。

出門前：確定自己準備好了。要記得，一定要打過三劑預防針 ( 打完滿兩個禮拜更好 )，還要帶小黃卡給工作人員檢查，領到”疫苗3OK”卡片才可以參加遶境。要帶小罐酒精和酒精濕巾，要準備足夠的口罩，最好能準備自己的餐具，還有一定要下載 “臺灣社交距離APP”。假使現在你有發燒、咳嗽、流濞、喉嚨痛的症狀，還是家中還有人沒打預防針，最好不要勉強出門，和家人一同摎屋下人共下看線上直播追媽祖更好。這樣不只很有心，還更輕鬆又安心。

遶境期間：要記得四不四要：不要鑽轎腳、不要搶轎、不要邊走邊吃、不要群聚休息。要常常洗手、每天要換口罩、要維持社交距離、要掃手機實聯制。經過國小時不要隨便進去，因為小朋友沒打疫苗比較沒抵抗力。過程當中假使有有發燒、咳嗽、流濞、喉嚨痛的症狀，最好趕快離開，無論要轉屋下休息，做自我康健管理，還是去給醫生看都很好，不要強強繼續行。自己平安順利，媽祖才會歡喜。

回家後：除了要趕快把身體和衣褲洗乾淨，在接下來兩個禮拜中，要做好自我健康管理，盡量不要去酒店、夜店等高風險場所，也不要常常跑去國小和幼稚園。另外，要注意“臺灣社交距離APP”每天發送的通知，假使說收到接觸警告，加上出現發燒、咳嗽、流濞、喉嚨痛的症狀，就要趕快去醫院做篩檢。若是對自家个情形試著疑狐，也可以去便利商店買居家快篩試劑來做篩檢。如果結果是陽性，就要帶著那個試劑去醫院做檢查了。要記得，不可以坐巴士、捷運等公共交通工具喔！保護自己，也保護家人。遶境要小心，媽祖就會有保庇！

這篇文章 【寫客文】迎街愛細義　媽祖婆斯會有保庇 最早出現於 客新聞 HakkaNews。