文／徐兆廷　高中生、台南客家人、現下戴台南

腔調：四縣腔

日頭當烈，在𠊎个頭那頂晒，忍等這翕翕个天時，𠊎兜著好𧊅仔裝，慢慢行在汶汶个泥水裡背。兩隻腳，深深漯下去該看毋著底个泥，該下，𠊎正知環境保育个艱難。

該日，𠊎同兩三個朋友共下去二仁溪環境教中心，學習環境保育。一下遊覽車，就分蓋奇怪个東西嚇着。眼前係一面石壁，盡像化石，毋過，較近一息看，石頭頂高毋係動物个腳跡，毋係動物个骨頭，該係人留下來个垃圾。電線、塑膠袋仔、杯仔、酒罐仔，麼个都有，看起來當屙糟，毌舒爽。原來，這係一个藝術品，用來提醒𠊎兜，做毋得亂擳垃圾，係無千年過後个人，毋會有淨俐个大自然做得享受。

參觀了園區後，大家開始脫鞋、脫襖，準備著𧊅仔裝，實際行到河壩裡肚。𧊅仔裝褲同衫係連共下个，蓋毋好著。腳愛先伸入去，再同橡皮索仔挷過肩胛，挷到繃緪，打結。正著好𠊎覺着蓋無鬆爽，因為水靴仔壓在𠊎腳頂，蓋溼熱，無一久，就出汗了。著好後，慢慢仔向河壩行，因為這身裝備，𠊎兜淨做得像企鵝行路，搖搖擺擺前進。

到了河壩脣，先生渡等𠊎兜行入河壩。該下，就算隔等賁賁个塑膠布，𠊎乜感受着蓋強个水壓𢱤等水靴仔，兩隻腳漯到濫泥裡肚，𠊎个心乜像落在該共樣，盡緊張。毋過，先生安慰𠊎兜毋使驚，愛慢慢仔來，就行得哩。一站仔過後，𠊎可以企在，定定仔行在濫泥裡肚。

續等，𠊎等看着蓋多浮在水面項个植物，先生講該係布袋蓮，因為佢係外來種，會影響本來就生在這土地个植物，故所愛同佢挷起來，拿去㧒忒。聽着這，大家就煞猛挷布袋蓮，無論日頭恁大，乜無人推懶，大家都用自家最大个力量來守護環境；不管仰般辛苦，乜無人怨嘆，大家了解愛同心協力正做得較遽裝好。這時節，大家知環境保護，毋簡單。

坐在河壩脣，風輕輕仔摸過𠊎个面，這大自然，係分人恁舒爽，係恁溫柔對待𠊎。𠊎下定決心，愛守護這塊土地，毋管外來種个倔強抵抗，毋管汙染。𠊎相信，堅持、硬直，一定可以同這淨俐土地留分後代子孫。

華語：

環境保護，毋簡單

太陽惡毒，在我的頭頂上曬，忍耐著燜熱的天氣，我們穿好青蛙裝，慢慢走在汙濁的泥水中。兩隻腳，深深地陷在看不清的土中，那時，我才知道環境保育有多艱難。

那天，我與兩三個朋友一起去二仁溪環境教中心，學習環境保育。一下遊覽車，就被奇怪的東西下到。眼前是一面石牆，非常像化石，不過近一些看，石頭上不是生物的腳印，不是生物的骨頭或殘骸，而是人留下來的垃圾。電線、塑膠袋、杯子、酒罐，甚麼都有，看起來很髒，很讓人不舒服。原來，這是一件藝術品，用來體醒大家，不能亂丟垃圾，不然千年後的人，不會有這麼乾淨的自然可以享受。

參觀完園區後，大家開始拖鞋，脫外套，準備穿青蛙裝，實際走到河中。青蛙裝的褲子與衣是連在一起的，很難穿著。要先將腳伸入，再將橡皮繩拉過肩膀，用力拉緊，打結。剛穿好時我便覺得不舒服，因為雨鞋壓在腳上，非常濕熱，一下子變流汗了。穿好後，慢慢朝河川走去，因為這身裝備，我們只能向企鵝走路，搖搖擺擺前進。

到了河邊，我在老師的帶領下踩入河中。那時，即使隔著厚厚的塑膠布，我也感受得到強烈的水壓推著雨鞋，兩隻腳陷入泥沼中，我的心也彷彿落在其中，非常緊張。不過，老師安慰我們不用怕，要慢慢來，就可以走了。一陣子後，我也可以站穩，慢慢地走在泥沙中。

緊接著，我們看到許多浮在水面上的植物，老師說那是布袋蓮，因為它是外來種入侵種，會影響本來就長在這土地的植物，所以要將它拉起，拿去丟掉。聽到這，大家便努力摘除布袋蓮，不管太陽再大，也沒人偷懶，大家都用盡自己的力氣守護環境；不管再辛苦，也沒人抱怨，大家了解要同心協力才能更快完成。這時，大家知道環境保護，不簡單。

坐在河邊，風溫柔地摸著我的臉，這大自然，是這麼讓人舒暢，是這麼善待我。我下定決心，要守護這塊土地。不管外來種頑強得抵抗，不管汙染。我相信，有毅力，一定可以將這塊潔淨得土地留給以後的人。

這篇文章 【寫客文】環境保護，毋簡單 最早出現於 客新聞 HakkaNews。