文／黃筱婷 國小教師、竹東人、戴竹東
腔頭：海陸腔
前駁仔有一齣一開始做就受著大家歡迎个影戲「茶金」，影片主角係𠊎兜北埔客家莊个姜阿新伯公，佢係永光茶米公司个大頭家；姜阿新當有商業頭腦，該當時把握當多个茶米事業，還長透摎外國个人交關，將茶米賣到其他國家，逐擺都賺著當多个錢。
為著茶米事業个利便，姜阿新特別委託竹東盡有名聲个彭玉里建築師傅，設計裝潢一間已派頭个西洋樓房；頭擺莊下罕得有人起樓房，大自家都係戴矮屋仔較多，姜阿新西洋樓房做得講係全北埔等靚个屋仔，今這下這棟樓房既經分新竹縣政府列做古蹟了。
該日天時當好，𠊎去到北埔客莊尞，從街路行到姜阿新个西洋樓房，單淨需要五分鐘个時間；樓房个庭院肚有一搭青里里个草坪，兩棧樓恁高个西洋樓房當得人惜。
姜阿新樓屋个一樓係灶下摎姜阿新接待人客个廳下，這兩隻位所係用玻璃隔開來，當特別个係下頭設計砂玻璃，自家人毋會吵到人客；廳下頂背个大字係姜阿新寫个，大字底下係當少見个西洋壁爐，實在當特別个設計。
西洋樓房裡肚還有兩位樓梯做得跋到棚頂，姜屋人行樹仔个樓梯，人客行泰魯个樓梯；棚頂還過有姜阿新个房間，裡背有頭擺个眠床、桌仔、交椅這兜，滿哪仔都有久遠个歷史意義。
姜阿新个西洋樓房係北埔街路一棟當派頭个屋仔，這个屋仔做得講係北埔茶米事業當要緊个事業沿革；西洋樓房肚項个各種文物保存當好，看得出姜阿新佢个家境豐湧；大自家有閒來北埔尞个時節，做得來這位了解姜阿新个創業傳奇故事，還做得參觀恁亮線个西洋樓房。
華語：
《北埔的姜阿新洋樓》
前陣子有一齣一開播就為著受到大家歡迎的戲劇「茶金」，影片中的主角就是我們北埔客家莊的姜阿新老先生，他是永光茶葉公司的大老闆；姜阿新非常有商業頭腦，在當時把持許多的茶產業，還經常和外國人交流，將茶葉販售到國外，每次都賺了許多錢。
為了方便拓展茶葉產業，姜阿新特別委託竹東很有名的彭玉里建築師，設計裝潢一棟漂亮的洋樓；以前鄉下相當難得看到有人蓋樓房，大家多是住在平房，姜阿新洋樓可以說北埔鄉最漂亮的一間房屋，現在這棟洋樓已經被新竹縣政府列為古蹟了。
在晴朗的一天，我來到北埔客庄遊玩，從街道走到姜阿新洋樓，只需要五分鐘的時間；庭院內有一大片綠油油的草地，兩層樓高的西式樓房十分討人喜歡。
一樓是廚房和姜阿新接待客人的大廳，這兩個地方是用玻璃窗作為隔間，最特別的是下方為霧面的毛玻璃設計，家人和客人不會互相干擾；大廳牆上所懸掛的書法為姜阿新親自書寫，書法下方是非常少見的西洋壁爐，實在是很特別的設計。
洋樓內還有兩處樓梯可通往二樓，姜家人走的是木板樓梯，外國賓客走的是磁磚樓梯；二樓還有姜阿新的臥室，臥室內有古早的眠床、桌子、椅子，每一處物品都充滿久遠的歷史。
姜阿新洋樓是北埔老街上一幢相當氣派的建築物，它可以說是北埔茶葉相當重要的產業沿革；洋樓內的各項文物維持完好，看得出當時姜阿新的家大業大；大家有空來北埔遊玩時，可以來這裡瞭解姜阿新的創業傳奇，還可以參觀華麗的洋樓。
這篇文章 【寫客文】北埔个姜阿新西洋樓房 最早出現於 客新聞 HakkaNews。
